Mese: Agosto 2013

Signori Dirittori.Mo aia nu picchi assai ca no ndi sintemmu.
So statu ccupatu cu la fatia in campagna egnu chiantatu pipini, acciu, pummitori, marangiani, cucuzza ginuvesi, mascialora e tanti atri virduri cumpresi na ticina ti filari ti faggiolini.Mi li sta vennu nu picchi a casa e nu picchi li portu allu marcatu .Mo me nu rivati puru li muluni sarginischi e quiri appani ca tegnu puru li gizziani ti na vota.Ce te gna diri ca sta rranciu la sciurnata bona e menu mali ca a comu sta vannu li cosi ci stai picca ti filari.

Signori dirittori sontu la Cia la mogliere ti lu Frangiscu Tubbettu.Greggio dirittori ti manna nu salutu maritima ca no stai buenu.Na ticina ti giurnu angretu si strafucau naa lemma ti cozzi neri cruti e ai teci giurni frati ti lu signori ca cabbinettu e cabbinettu ,tuluri e tuluri e ,scusatimi,pepiti puzzulienti.Mo tittu quistu ti vognu dicu ca ti sta scriu cu l’aiutu ti nipotima quiru llaureatu in nconomia e ccummerciu ca mo sta faci lu cammirieri senz ngaggiu annu ristoranti ti quammeru. Mo edda nascciri la piccinna ca ennu tittu ca enna chiamari Lucia Francesca comu a me e maritima .

Ggreggio dirittori sonu sempri iu lu Cchinu ,quiru ca latri chiamunu senza cateni