La Icina

Tegnu na’ icina nanzi casa
ca te tutti sape ogni cosa ,
sembra la matonna Maculata,
tice ca nu bbesse mai
nu tene tiempu,
mancu pe’ sutta lu sciardinu
cu se mina jentu.
Subbra tutti quanti
parla e sparla,
sembra na’ chitarra
senza corde,
se troa qualche tunu
cu te la sola
denta nu mandulinu
ca nun ci sona.
Te la chiesa hae ebbene,
preca pe nnui ca a mu
scuntare tante pene,
idha tice invece
ca’ e’ nna’ santa,
ma nui te pacienza ne’
tinimu tanta.
Tice ca cu face male
nune’ purtata,
ma ogni tantu ni la fannu
na’ cazziata,
e se nusse tae nna’ riculata
qualche tunu ni’ face
nna’ mazzisciata.
Tice ca’ nubbesse e nu trase
ma nu se capisce comu face,
sembra la giornalista
te lu paise,
li pinzieri te tutti
sulu idhra sape